TV Rozafa 
Një 47-vjeçar nga Rubiku ka humbur jetën pasi është përplasur nga një automjet në Rrugën e Kombit. Aksidenti ka ndodhur rreth orës 19:00 të mërkurës në afërsi të Milotit. Viktima Vasil Ndoj ka qenë duke kaluar nga njëri kah i rrugës në tjetrin kur është përplasur nga një automjet fuoristradë me targa AA 615JL, që drejtohej nga shtetasi Fran Koka.
Përplasja ka qenë e fortë duke i shkaktuar vdekjen e menjëhershme 47-vjeçarit ndërsa drejtuesi i mjetit ka njoftuar vetë policinë në lidhje me ngjarjen.
Uniformat blu kanë mbërritur menjëherë në vendin ku ndodhi aksidenti ku nga hetimet e para është bërë e ditur se shkak për ngjarjen është bërë ndërprerja e menjëhershme e rrugës nga ana e viktimës, i cili nuk e ka parë automjetin që lëvizte me shpejtësi.
Gjithashtu është bërë e ditur se shkak për aksidentin janë bërë edhe reshjet e dendura të shiut duke mos i dhënë mundësi drejtuesit e mjetit që të vërente këmbësorin teksa po tentonte të kalonte rrugën.