Saturday , 20 January 2018
Breaking News

ANTON QAFARENA NE FINALEN E KUPËS SË GJERMANISË

Vetëm pak muaj i janë dashur volejbollistit shkodran Anton Qafarena të shndërrohet në një nga protagonistët kryesorë të ekipit të tij gjerman Buhl. Mbrëmjen e së mërkurës, është zhvilluar ndeshja gjysmëfinale e Kupës së Gjermanisë dhe përballë këtij ekipi ka qenë Hercing. Ndeshja ka qenë e fortë por ekipi i shkodranit 20 vjeçar ka shfaqur më shumë dëshirë dhe grintë në fushë duke fituar me rezultatin 3-1 dhe duke siguruar daljen në finalen e këtij kompeticioni të rëndësishëm ku Buhl do të ndeshet me ekipin e Berlinit. Në ndeshjen e djeshme, Qafarena mësohet të ketë qenë një nga më të mirët në fushë dhe padyshim që ka marrë vlerësime shumë pozitive nga trajneri dhe drejtuesit e tjerë të ekipit të tij. Në këtë mënyrë, ish- volejbollisti i Vllaznisë brenda një kohe shumë të shkurtër jo vetëm është ambjentuar me volejbollin gjerman por edhe po shndërrohet në protagonist.

Suksesi i djeshëm është vetëm hapi i parë i karrierës së tij të suksesshme. Të mos harrojmë se Anton Qafarena në muajin maj të këtij viti u shpall kampion me Vllazninë dhe më pas firmosi në Gjermani. Një vend ky që është në elitën botërore të volejbollit dhe për këtë arsye, dalja në finalen e Kupës padyshim që është tregues i një suksesi të madh të tij. natyrisht që ekipi aktual i Qafarenës do të synojë edhe fitoren e këtij trofeu të rëndësishëm dhe nëse arrihet kjo, padyshim që do të ishte një tjetër sukses i madh i këtij sportisti. Në Shqipëri ai spikati ende pa i mbushur 17 vjeç duke u kthyer në një lider në ekipin shkodran.

Shumë shpejt do të ishte edhe pjesë e rëndësishme e kombëtares shqiptare të volejbollit dhe padyshim që të dhënat e këtij dymetroshi ishin për të bërë karrierë në Europë. E nisi nga Gjermania, një nga vendet me volejbollin më të zhvilluar në Europë dhe po ia del me sukses të triumfojë.

Lexoni dhe kete

KAMPIONI I BOTËS ELIS GURI, PROMOTORI I “NATËS SË BOKSIT”

Viti 2018 do të nisë ndryshe për boksin shqiptar. Federata Shqiptare e Boksit, në bashkëpunim …