Saturday , 25 November 2017

BASHA: TAHIRI E SOTA UDHETUAN JASHTE VENDIT SEBASHKU, KALUAN NGA MURIQANI

Kreu demokrat, Lulzim Basha, ka hedhur akuza të forta ndaj Ramës e Tahirit, teksa shkruan se këtij të fundit po i del boja gjithnjë e më shumë si i lidhur me krimin e përfituesit e tij. Basha deklaron se ish-ministri Tahiri dhe biznesmeni Sota janë bashkëpunëtorë në trafikun e milionave të drogës dhe po përpiqen të fshehin provat.  Sipas kreut të PD, i cili thekson se iu referohet burimeve të sigurta, Tahiri ka udhëtuar disa herë jashtë shtetit me Sotën, ndërsa jep dhe datat e këtyre udhëtimeve. Ndër të tjera, ai paralajmëton se ditët në vazhdim do dalin të tjera fakte tronditëse, që tregojnë përfshirjen e qeverisë në krim.

“Sa më shumë përpiqet Edi Rama të mbrojë Tahirin, aq më shumë i del boja si i lidhur me krimin dhe përfitues i tij. Rama po gënjen prapë për llogari të Tahirit, sepse kjo është e vetmja mënyrë për të mbrojtur veten e tij. Tahiri dhe Sota janë bashkëpunëtorë në trafikun e milionave të drogës dhe po përpiqen cdo minutë të fshehin provat.

Burime të sigurta informojnë se:

1. Tahiri dhe Sota kanë udhëtuar bashkë për në Itali, me datë 2 Gusht 2016 nga Porti i Durrësit. Ata janë larguar nga Italia bashkë dhe janë rikthyer në Shqipëri me datë 7 Gusht 2016 me të njëjtën linjë.

2. Me 1 Shtator 2017 Tahiri dhe Sota janë larguar bashkë nga Shqipëria nëpërmjet Muriqanit dhe janë kthyer bashkë me datë 3 Shtator 2017 po nëpërmjet Muriqanit.

3. Në 6 Shtator 2017 Orest Sota ka dalë nga Shqipëria duke përdorur makinën e Tahirit.

Fakte të tjera tronditëse pritet të publikohen së shpejti. Edi Rama dhe qeveria e tij janë të zhytur në krim dhe të kapur nga krimi. Largimi i tyre është imperativ kombëtar”, shkruan Basha.

Lexoni dhe kete

DREJTORET E SPITALEVE, REAGON SPAHIA: EMERIME PARTIAKE

Pas publikimit të listës së drejtorëve të rinj të spitaleve në vend nga ministria e …

Abonohu per lajmet e fundit
Thanks for signing up. You must confirm your email address before we can send you. Please check your email and follow the instructions.
Abonohu sot per lajmet me te fundit !
×
×
WordPress Popup Plugin