Monday , 11 November 2019
Breaking News

DASH: SHQIPËRIA MË E KORRUPTUARA NË BALLKAN

Shqipëria është shteti më i korruptuar në Ballkan dhe një vend i vështirë për të bërë biznes. Në këtë prizëm përshkruhet vendi ynë në një raport të fundit të DASH mbi Klimën e Biznesit. Departamenti Amerikan i Shtetit e vë theksin tek gjykatat e korruptuara, mungesa e transparencës dhe zbatimi i dobët i kontratave. Departamenti Amerikan i Shtetit në raportin e përvitshëm për Klimën e të bërit biznes në botë ka vijuar të përsërisë vërejtje të ashpra për Shqipërinë, duke e cilësuar si shtetin më të korruptuar në Evropë dhe Ballkan si dhe një vend ku është e vështirë të zhvillosh aktivitete të karakterit ekonomik.

Duke cituar investitorët e huaj dhe burime të tjera informacioni, DASH shkruan se probleme mbeten korrupsioni, veçanërisht në gjyqësor, mungesa e transparencës me tenderat publikë si dhe niveli i ulët i zbatimit të kontratave. Raporti përmend pasuritë e pajustifikuara të gjyqtarëve dhe Reformën në Drejtësi, por pavarësisht largimit të tyre nga sistemi, Shqipëria mbetet problematike për të bërë biznes.

Në dokumentin e publikuar, Departamenti i Shtetit, nënvizon se vendi ynë ka të gjitha hapësirat e nevojshme ligjore për të mbështetur investimet e huaja, por zbatimi në tërësi i tyre është në nivele jo të kënaqshme. Si problem të tjera renditen çështjet e pronës, ku marrja e titujve të pronësisë konsiderohen një mision i pamundur për shkak të manipulimit të vendimeve gjyqësore.

Në material, citohen edhe raporte të tjera si ai i Transparency International që e rendit Shqipërinë të 99-ën sa I përket perceptimit të korrupsionit. Kjo e bën vendin tonë më të korruptuarin jo vetëm në Evropë, por edhe në Ballkan. Sa i përket sugjerimeve që u jepen investitorëve, DASH vlerëson se fusha me interes për t’u angazhuar mbeten energjetika, turizmi, furnizimi me ujë, industria e rrugëve dhe hekurudhave, minierat dhe teknologjia e informacionit dhe telekomunikacionit.

Lexoni dhe kete

PROTESTA E PUNONJËSVE TË PASTRIMIT

Pas protestës së punonjësve të pastrimit në Shkodër, ka reaguar edhe firma fituese. Sipas përgjegjësit …