EMERIMI I RUÇIT NE KRYE TE KUVENDIT, REAGON DEPUTETI SPAHIA

Deputeti i partise demokratike per qarkun e Shkodres Bardh Spahija ka reaguar me ane te nje statusi ne rrjetin social “FB” per emerimin e Gramoz Rucit ne krye te kuvendit te Shqiperise. Sipas deputetit Spahija emerimi i Rucit ne krye te Kuvendit, eshte jo përfaqësim i Sovranit por cënim i integritetit, sovranitetit dhe moralit të shqiptarëve. “Në kohën kur Shqipëria një vend anëtar i NATO-s, është në pikëpyetje të rrezikshme për hapjen e negociatave me BE për shkak të një qeverisje të lidhur kryekëput me krimin dhe trafiqet e drogës, nga partia shtet vjen një provokim edhe më i rëndë për cdo shqiptar dhe vetë institucionet demokratike; emërimi partiak i Gramoz Rucit si kryetar i Parlamentit pluralist. Ruci nuk mund kurrsesi të jetë modeli i përfaqësimit të sovranit , ai është figura që cënon rëndë sakrificat dhe përpjekjet shekullore të elitave të Kombit, nga Veriu në Jug, familjet e pasura e fisnike që u burgosën, u pushkatuan me gjyq e pa gjyq në burgjet dhe gulaget e Enver Hoxhes. Emërimi i Rucit provokon duke fyer historinë më të ndritur të shqiptarëve, protestat mbarkombëtare për rrëzimin e diktaturës, në vitin 90, prirjet demokrate dhe europiane të të rinjve, studentëve të Dhejtorit dhe të gjithë shqiptarëve të cilët përmbysën muret e diktaturës nën moton “E duam Shqipërinë si gjithë Europa”- shkruan Spahija ne “Facebook”.

Per deputetin shkodran emërimi i Gramoz Rucit, Ministrit të fundit të Brendshëm të diktaturës komuniste, një ndër ideatorët dhe firmëtarët e vrasjes së 4 të rinjve dhe plagosjes së dhjetëra qytetarëve shkodrane në protestën antikomuniste te studenteve me 2 Prill 91 ne Shkoder, përbën ngjarjen më të turpshme dhe më të rëndë.

Deklarata e deputetit Spahija vijon duke theksuar se Ruci është modeli i kundërt me standartet e sistemit të lirisë së fjalës të institucioneve demokratike të Europës dhe SHBA. “Kjo qeveri dhe mazhorancë me këtë emërim pa asnjë moral e kriter historik e politk, do ti verë vulën përfundimtare antieuropianizimit të Shqipërisë dhe instalimit së një sistem autoritarist oligarko-komunist”- perfundon reagimi i Spahise.

Lexoni dhe kete

NEGOCIATAT ME GREQINE NE RRUGEN E DUHUR

Proces jo i lehtë dhe se duhet të kalohen pengesat, u shpreh Ministri i Jashtëm …