FEMIJA NGA MAMURRASI PREKET NGA ZGJEBJA

Sikur të mos mjaftonte drama që po përjetojnë familjet që kanë mbetur jashtë shtëpive, të shkatërruara apo të shpallura të pabanueshme si pasojë e tërmetit të 26 nëntorit, mes tyre është shfaqur sëmundja e zgjebes. Një rast i tillë është konstatuar në një nga hotelet e Shëngjinit ku janë të strehuar përsonat e ngelur të pastrehe nga tërmeti. Burime nga Njësia Vendore e Shëndetësisë në Lezhë bëjnë me dije se i prekur nga kjo sëmundje infektive është një 5 vjeçar nga Mamurrasi.

Menjëherë pas konstatimit ai është izoluar dhe po merr mjekimin e nevojshem nga bluzat e bardha në spitalin e Lezhës. Po ashtu janë izoluar edhe familjaret e 5 vjeçarit nga frika e përhapjes së sëmundjes edhe pse deri në këto momente ata nuk rezultojnë të jenë të infektuar. Bluzat e bardha bëjne me dije se familja 4 anetareshe nga Mamurrasi kanë qëndruar disa ditë në çader dhe aty mendohet se është infektuar 5 vjeçari.

Zgjebja është një sëmundje infektive që shfaqet nga kushtet jo të mira higjieno-sanitare, por edhe përmes kontaktit të lëkurës. Duke nisur nga ky rast institucionet shëndetësore po monitorojnë të gjithë përsonat e prekur nga tërmeti që janë strehuar në zonen e Shëngjinit. Në të tre hotelet ku janë të strehuar këta banore janë vendosur ekipe mjeksore të cilët qëndrojnë aty përgjatë 24 oreve.

Lexoni dhe kete

RASTET NE SHKODER ME COVID-19, REAGON KMC

Duke marre shkas nga 12 rastet pozitiv te shfaqura ne territorin e Bashkise Shkoder, Kryetari …