Friday , 24 January 2020

GJOSHO VASIA, HUMORISTI ELEGANT SHKODRAN

Të gjithë e mbajnë mend humoristin elegant shkodran, parodistin e mrekullueshëm me kitarrë, imituesin e jashtëzakonshëm të disa zërave brenda të njëjtit kuplet, Gjosho Vasinë. Këtë të premte miq dhe të afërm e përkujtuan me anë të një aktiviteti në biblotekën “Marin Barleti” të qytetit të Shkodrës.

Nuk munguan në këtë takim as parodistët e Vlorës. Ndërkohë, vajzës së Vasisë iu dhurua kitarja me të cilën vetë Gjosho Vasija ka punuar ndër vite.

Vetë e bija Angjela Vasija foli me emocione për prindërit e saj.

Aktori i njohur i humorit shkodran, Gjosho Vasija, ka ndërruar jetë në moshën 84-vjeçare, me 22 Nëntor 2013 në Trieste të Italisë. Për shumë e shumë vite ai ishte ndër komikët më të preferuar në skenën e estradës e në ekranin e televizorit shqiptar, për ato aftësi origjinale që e bënin të pangjashëm me asnjë komik e humorist tjetër.

Lexoni dhe kete

DEBATE PËR KINEMA “MILLENIUM” NË SHKODËR

Një temë që solli debate në mbledhjen e pasditës të së mërkurës në Këshillin Bashkiak …