GJYKATA E APELIT SHKODER “LIRON” ISH-DEPUTETIN SPAHIA, “DETYRIM PARAQITJE” MASA E RE

Gjykata e Apelit të Shkodrës ka ndryshuar masën e sigurisë për ish deputetin Bardh Spahia nga “arrest shtëpie” në “Detyrim paraqitje”. Më herët Gjykata e Shkallës e Parë Shkodër e kishte lënë Spahinë në ‘arrest shtëpie’ për djegin e KQZ në Vaun e Dejës.

Trupa gjykuese e Apelit e cilësoi të paligjshëm arrestimin e ish – deputetit, duke kërkuar që ai të paraqitet në polici vetëm të hënën e parë dhe të tretë të muajit.

Seanca nisi paradite por u shty me disa orë për shkak se policia nuk bëri shoqërimin e tij në gjykatë. Në seancë u paraqit vetëm dy avokatët, mes tyre Ivi Kaso. Ata kishin prokurë nga familjarët për përfaqësimin e tij në gjykatë.

Por gjykata pas kontakteve me drejtorinë e policisë së Tiranës bëri të mundur edhe paraqitjen e Spahisë. Spahia akuzohet për “Kundërshtim që i bëhet punonjësit të policisë së rendit publik, me qëllim për ta penguar atë për të kryer detyrën sipas ligjit”.

Lexoni dhe kete

VETËPLAGOSJE ME ARMË ZJARRI NË SHKODËR

Një vetëplagosje me armë zjarri është regjistruar këtë të enjte në Bushat të Bashkisë Shkodër. …