Tuesday , 16 January 2018

GRABITJA E BANKES NE LAÇ, SHOQEROHEN DISA PERSONA

Një ditë pas grabitjes së një banke të nivelit të dytë në qytetin e Laçit, policia ende nuk ka rënë në gjurmet e autoreve.Pavarësisht se ishin në dreken e fundvitit në një lokal në Mamurras, policia thotë se kanë shkuar brenda 3 minutash në vendin e ngjarjes.Nga deklarimet e marra në grabitje janë përfshirë tre persona, dy prej të cilëve të armatosur me pistoleta dhe i treti me një vare, me të cilën ka thyer xhamin e derës së bankës.Nën kërcënimin e armës, autorët kanë marrë një sasi parash pa specifikuar shumën e grabitur.Sipas të dhënave “Banka nuk ka qenë e hapur për klientët, por ka qenë duke u kryer veprimet e brendshme të saj.

Në lidhje me ngjarjen, janë ngritur menjëherë pika të shumta kontrolli, në të gjitha akset që lidhin qytetin e Laçit me qytetet e tjera.”Grupi hetimor po sekuestron çdo provë sado të vlefshme që do t’i shërbejë zbardhjes së ngjarjes. Njëkohësisht po vijon puna për sekuestrimin e të gjitha kamerave në të gjitha drejtimet që të çojnë në bankën ku ndodhi ngjarja. Deri tani janë shoqëruar disa persona, si dhe janë kontrolluar banesa e garazhe”, sqaron policia.Gjithashtu specialistë të bankës qendrore të këtij filiali po punojnë për përcaktimin e shumës së parave të vjedhura.

Lexoni dhe kete

HETIMI PER ATENTATIN ME BOMBE NE RUS TE SHKODRES

Ende asnje të dyshuar për atentatin me bombë të së shtunes ndaj Lulzim Kullës, pavarësisht …