Wednesday , 1 April 2020

KALIMI NE DUKAGJIN PERMES NJE KONTROLLI NGA POLICIA

Prej disa ditësh për të udhëtuar në drejtim të Dukagjinit, nga rruga e Prekalit duhet të ndalesh fillimisht nga policia. Një patrullë 24 orëshe është vendosur në këtë zonë ku bën ndalimin e çdo makine, në të cilin kontrollon dokumentacionin, mjetet e identifikimit të udhëtareve dhe çfarë transportohet në këto mjete. Një gjë e tillë vërehet edhe nga pamjet e filmuara këtë të hënë.

Sipas policisë, kontrollet e shtuara vijnë për parandalimin e kultivimit të bimëve narkotike. Megjithatë prezenca e policisë në këtë rrugë nuk është pritur mirë nga banorët që jetojnë në fshatrat e Dukagjinit. Ata e quajnë jo normale një veprim të tillë që kryhet sikur të ishin në pikë doganore.

Ndërkohë, banorët i druhen faktit se do të përballen me të tilla kontrolle çdo ditë dhe sipas tyre kjo gjë do të ndikojë negativisht për turizmin në këtë zonë, pasi një mjeti i kërkohet që të transportojë vetëm persona me të njëjtin mbiemër. Banorët apelojnë që të merren masa e të vihen mjete të transportit publik për Dukagjinin.

Lexoni dhe kete

POLICIA E SHTETIT VIJON KONTROLLET NË TERRITOR

Policia e Shtetit vijon kontrollet në të gjithë territorin, në zbatim të masave kufizuese të …