KOMBËTARJA E ÇIKLIZMIT, GRUMBULLIM NË SHKODËR PËR TURIN

Kombëtarja shqiptare e çiklizmit që prej fillimit të kësaj jave është grumbulluar në Shkodër në përgatitjet e saj për Turin Çiklistik të Shqipërisë. Tur ky që sivjet do të nisë nga ky qytet pikërisht ditën e hënë. Nën drejtimin e trajnerëve Dashamir Rama e Leonat Kola, gjashtë çiklistët e komtares tonë të grumbulluar këtë herë, ndër të cilët janë edhe tre të Vllaznisë, janë munduar të bëjnë më të mirën e tyre, ndonëse kushtet atmosferike nuk kanë qenë shumë të përshtatshme gjatë këtyre ditëve.

Duke folur për mediat, trajnerët Rama e Kola premtojnë se kombëtarja jonë do të bëjë më të mirën e mundshme në këtë Tur, por padyshim që do të jetë shumë e vështirë sepse pjesmarrës do të jenë edhe shumë ekipe profesioniste nga mbarë Europa.

Turi i 76-të i Shqipërisë do të startojë ditën e hënë me etapën Shkodër- Reps- Shkodër, 193 kilometra e gjatë dhe padyshim që pritet një garë shumë interesante dhe që do të dhurojë shumë emocione.

Lexoni dhe kete

VLLAZNIA ZHGËNJEN NË FINALE, TRAJNERI CANAJ: DREJTUESIT DUHET TË NDËRHYJNË

Ndryshe nga sa pritej, Vllaznia ka bërë një paraqitje zhgënjyese në ndeshjen finale ndaj Bylisit. …