TV Rozafa 
Viti 2016,pavarësisht vështirësive që kanë kaluar shumë sporte për shkak të mungesës së kushteve të duhura për stërvitje, sërish mund të quhet i suksesshëm. Ky është konkluzioni në të cilin ka dalë drejtori i Sportklub Vllaznia Mark Kroqi i cili ka qenë i ftuar mbrëmjen e së hënës në “Sport Arena” ku ka bërë një analizë të zgjeruar për të gjitha sportet e këtij klubi.
Kroqi ka folur edhe për vitin 2017 dhe ka shprehur bindjen e tij të plotë se edhe ky vit do të jetë i suksesshëm për sportet dhe sportistët shkodranë.
Sportklub Vllaznia numrin 14 disiplina sportive, më shumë se çdo klub tjetër në Shqipëri dhe kjo e bën më të veçantë se të gjithë edhe sot, të parin klub sportiv në historinë e sportit shkodran. Për më tepër që kampionët dhe ekipet kampion janë të shumtë çdo vit.