KRYEBASHKIAKJA ADEMI: DO MARRIM “LORO BORIÇIN” GJATË 2019-ës

Pas shumë diskutimesh e komentesh duket se viti 2019 do t’i rikthejë Shkodrës stadiumin “Loro Boriçi”. Një lajm të tillë e ka dhënë kryebashkiakja Voltana Ademi sipas së cilës, ky stadium i takon Shkodrës dhe jo vetëm futbollit por edhe sporteve të tjera.

Nga ana tjetër, kryebashkiakja ka shpjeguar se procedura e dorëzimit të këtij impianti sportiv ka nisur tashmë dhe kanë mbetur edhe disa procedura për t’u kryer. Po ashtu, Ademi ka bërë të ditur se ambjentet e tjera të stadiumit do të vihen në funksion të ekipeve të klubit shumësportësh Vllaznia të cilat kanë patur probleme me palestrat e stërvitjes.

Në këtë mënyrë duket se do të gjendet zgjidhja edhe për sportet e peshëngritjes, mundjes, çiklizmit dhe sporteve të tjera të cilët prej më tepër se tre vitesh stërviten në kushte aspak komode dhe kjo do të sjellë edhe rritje të cilësisë sportive.

Lexoni dhe kete

LIKA: FITIMI I KUPËS S’KISHTE RËNDËSI, OBJEKTIVIN E ARRITËM

Zhgënjim në rradhët e tifozëve shkodranë për humbjen e Vllaznisë në finalen ndaj Bylisit dhe …