MASA E SIGURISE PER SUEDEZIN QE U KAP ME PISTOLETA

“Unë do bëja vetëm transportin e pistoletave nga Shqipëria për në Suedi”. Kështu deklaroi nga salla e gjyqit suedezi Sebastian Vall, i cili u arrestua më 13 gusht pasi u kap me 19 armë pistoleta në doganën e Muriqanit, teksa po tentonte të kalonte drejt Malit të Zi. Mes të tjerash ai tha se kishte udhëtuar tranzit Suedi-Turqi-Prishtinë. “Kam qëndruar katër ditë në Prishtinë dhe kam marrë armët nga një person që nuk ia dija emrin dhe do ti coja në Suedi. Të gjitha këto i bëra për para sepse isha i papunë. Doja të studioja por s’kisha lekë dhe kreva këtë akt”, tha ai para trupes gjykuese.

Ndërkohë, prokuroria kërkoi ‘arrest në burg’ për suedezin, vendim që mori edhe gjykata e krimeve të rënda, duke lënë në burg të riun, ndërsa ai akuzohet për trafikim të armëve të zjarrit. Kujtojmë se 21-vjeçari suedez udhëtonte si pasagjer në autobusin e linjës “Kosovë-Gjermani”. Në çantën e tij, u gjetën 19 armë zjarri tip “pistoletë”, të gjitha të kalibrit 7.65. Armët ishin fshehur në çantë mes veshmbathjeve, ku kishte dhe geta femrash.

Lexoni dhe kete

MAKINA PERPLAS MOTORÇIKLETEN, PLAGOSET DREJTUESI

Një person mbeti i plagosur rëndë, pasi motoçikleta me të cilen udhetonte u përplas nga …