PERSONA ME MASKA DHE ARME VJEDHIN NJE BANESE NE DAJÇ

Më datë 20.02.2018, rreth orës 24:00, në fshatin Shirq, Njësia Administrative Dajç, Shkodër, dy persona të maskuar kanë hyrë në banesën e shtetasit M. A, të cilët kanë vjedhur me dhunë një sasi lekësh, dhe automjetin e parkuar në oborr.

Menjëherë shërbimet e Policisë kanë shkuar në vendngjarje ku pas një pune intensive të bërë nga strukturat e D.V.P. Shkodër, Komisariatit të Policisë Shkodër, Forcat F.N.Sh Shkodër në bashkëpunim me D.V.P. Tiranë, Komisariatin e Policisë nr. 3 Tiranë u bë e mundur kapja dhe arrestimi i këtij grupi kriminal të dyshuar për këtë ngjarje, ku së bashku me personat janë gjetur mjeti dhe të gjitha sendet e vjedhura në banesën e shtetasit M. A.

Për arsye të hetimeve emrat e personave dhe detaje të tjera nuk bëhen publike në lidhje me këtë ngjarje. Nga Drejtoria Vendore e Policisë Shkodër po punohet për dokumentimin e plotë të veprimtarisë kriminale të këtij grupi që dyshohet se ka kryer edhe vjedhje të tjera në rrethin e Shkodrës. Në përfundim të veprimeve do ketë komunikim tjetër.

Lexoni dhe kete

RIKTHEHET NE VEMENDJE ÇESHTJA “RANISHTJA 4”

Lek Frroku i akuzuar si organizator i skemës së tjetersimit të pronave në zonen e …