Wednesday , 17 January 2018

POLICIA DETAJE MBI GRABITJEN NE ZONEN E DUKAGJINIT

Policia e Shkodrës ka dhënë detaje të reja në lidhje me grabitjen e ndodhur një ditë më parë në Kir të Dukagjinit. Dje një grup personash me maska terrorizuan 7 persona. Ndërkaq mbeten ende të paidentifikuar autorët.

Njoftimi:

Në datë 23.11.2017, rreth orës 14:15, Policia u njoftua se në rrugën e Dukagjinit, në fshatin Kir, 3 persona të armatosur dhe me maska grabiten një mjet tip ‘Land Rover’ me targa AA285DG, me drejtues shtetasin P.K.

Pasi i bënë shenjë shoferit të ndalonte, kanë qëlluar me armë mbi gomën e parë të mjetit. Më pas kanë urdhëruar 7 personat që ndodheshin në mjet të zbrisnin, të linin telefonat e të largoheshin. Drejtuesit të mjetit i morën edhe portofolin. Nuk është ushtruar dhunë fizike ndaj tyre. Mjeti u gjet i djegur.

Policia ka shoqëruar disa persona ne lidhje me ngjarjen dhe po punon intensivisht për identifikimin, dokumentinimin ligjor dhe kapjen e autorëve.

Materialet hetimore u referuan në Prokurorinë e Rrethit Gjyqësor Shkodër për veprat penale “Vjedhje me armë e kryer në bashkëpunim”, “Shkatërrim prone me zjarr” dhe “Mbajtje pa leje i armëve dhe municioneve luftarake”.

Lexoni dhe kete

HETIMI PER ATENTATIN ME BOMBE NE RUS TE SHKODRES

Ende asnje të dyshuar për atentatin me bombë të së shtunes ndaj Lulzim Kullës, pavarësisht …