POLICIA SQARON NGJARJEN E NDODHUR NE QENDER TE LEZHES

Policia ka sqaruar ngjarjen e ndodhur një ditë më parë në qender të qytetit të Lezhës, ku u qëllua me armë nga një efektiv policie, pas një konflikti me tre përsona.Në lidhje me ngjarjen blutë kanë arrestuar në flagrancë shtetasin Eduart Lleshi (Nikolli), 22 vjeç, banues në Lezhë.Gjithashtu, u referuan materialet hetimore për fillimin e procedimit penal në gjendje të lirë, ndaj shtetasve, A.J. 17 vjeç, banues në Mirditë si A.L. 27 vjeç, banues në Lezhë.

Këta shtetas, në qendër të qytetit Lezhë, në datë 7 prill, kanë kanosur dhe kundërshtuar fizikisht punonjësin e policisë, për shkak të detyrës, në momentin kur efektivi i ka ndaluar, pasi po ecnin me shpejtësi tej normave të lejuara me mjetin e tyre tip ‘Porsche’ në qytet, duke rrezikuar këmbësorët.

Për të shmangur përshkallëzimin e situatës si dhe për të neutralizuar shtetasit me veprime agresive, punonjësi i policisë ka qëlluar një herë në ajër me armë zjarri pistoletë.Më pas, në mbështetje kanë shkuar forcat e tjera policore që kanë bërë të mundur ndalimin e 3 shtetasve.Policia ka kryer të gjitha veprimet hetimore konform procedurave ligjore, ndërsa materialet proceduriale iu referuan Prokurorisë së Rrethit Gjyqësor Lezhë, për veprime të mëtejshme.

Lexoni dhe kete

ISH UZINA E “VDEKJES” NE LAÇ

4 përsona kanë humbur jeten nga viti 2004 e deri më tani tek Ish Uzina …