Thursday , 29 October 2020

PRESIDENTI ILIR META SJELL NË VËMENDJE MESAZHIN E KARDINALIT VAN THUAN

Sot në Ditën Ndërkombëtare të Paqes, presidenti i vendit, Ilir Meta risolli në vëmendjen e publikut fjalët e kardinalit Van Thuan, i cili përshkruan politikanin.

“Bekuar politikani, që e dëgjon popullin para, gjatë dhe pas zgjedhjeve”, citon Meta kardinalin, ndërsa fjalët e tij duken kaq aktuale edhe sot e kësaj dite.

“Paqja, siç thotë edhe Shenjtorja jonë Nënë Tereza, mund të arrihet: ‘Edhe me një buzëqeshje’.

Por historia na ka mësuar, se paqja e qëndrueshme kërkon sakrifica të panumërta, jo vetëm për ta fituar, por edhe për ta mbrojtur, dhe se ajo është e sigurtë kur liria dhe të drejtat e njeriut garantohen përmes shtetit ligjor.

Sot në Ditën Ndërkombëtare të Paqes, dua të sjell në vëmendje disa nga mesazhet tepër frymëzuese të kardinalit Van Thuan, i cili kaloi 13 vjet në burgjet e komunizmit dhe gjithë jetën e Tij ja kushtoi Paqes, në funksion të së cilës i ka lënë njerëzimit dhe në veçanti politikës këto porosi, aktuale në çdo kohë:

Bekuar politikani, thellësisht i vetëdijshëm për rolin e vet!
Bekuar politikani, që frymëzon besim;
Bekuar politikani, që punon për të mirën e përbashkët e jo për interesin e vet;

Bekuar politikani, që e kryen me besnikëri të patundur, detyrën e besuar;
Bekuar politikani, që punon për unitetin;
Bekuar politikani, që angazhohet për realizimin e ndryshimeve rrënjësore dhe refuzon të quajë të mirë atë që është e keqe;

Bekuar politikani, që e dëgjon popullin para, gjatë dhe pas zgjedhjeve;
Bekuar politikani, që nuk ka frikë nga e vërteta dhe nga media.” – shkruan presidenti Meta.

Lexoni dhe kete

BASHA: PACIENTËT ME COVID-19 NUK KANË KU TË PËRPLASEN

Kryedemokrati, Lulzim Basha, ngriti akuza të rënda ndaj qeverisë për çështjen e menaxhimit të pandemisë. …