Friday , 15 January 2021

PROBLEMATIKA E MBETJEVE NË BASHKINË SHKODËR, REAGON PERSERI ADEMI

Kryebashkiakja e Shkodrës, Voltana Ademi, ka reaguar sërish për problematikën e mbetjeve dhe përplasjen me landfillin e Bushatit. Në një postim në facebook, Ademi shprehet:

“Situata e çeshtjes së mbetjeve urbane, bëhet edhe më e rënduar ditën e sotme. Sot është dita e tretë që bëhet i pamundur depozitimi i mbetjeve për shkak të rritjes së çmimit me 73%.

Bashkia Shkodër ka mundur të menaxhojë situatën duke rritur numrin e mjeteve që janë sjellë nga Operatori për të mbledhur mbetjet, të cilat janë të depozituara në këto makineri. Nga ana tjetër, Operatori ka ndihmuar për zbrazjen me sa ka patur mundësi të mbetjeve në qytetin e Shkodrës.

Ndërkohë, vazhdojmë të kemi probleme shumë të mëdha lidhur me nevojën për depozitimin e menjëhershëm të mbetjeve. Mbrëmë kryetarja e Bashkisë së Shkodrës zj. Voltana Ademi, ka patur komunikimin e fundit me zj. Balluku, ministre e Infrastrukturës, pas kërkesës për ministrin Klosi.

Nga biseda me zj. Balluku kryebashkiakes Ademi i është transmetuar se ata po trajtojnë çështjen dhe sot gjatë ditës do të kemi komunikim për çështjen në fjalë. Në qoftë se çështja nuk do të zgjidhet, Bashkia Shkodër do të bëjë përpjekje për të gjetur një mënyrë alternative për heqjen e mbetjeve nga qyteti dhe njësitë administrative.

Nëse mbetjet ndodhen në fushë, në zonën e qytetit, Bashkia Shkodër do të gjejë një vendndodhje tjetër, të përkohshme për heqjen e tyre. Kjo si një mënyrë emergjente, e përkohshme, deri në zgjidhjen e çështjes.”

Lexoni dhe kete

DËMTIMI I SHTYLLAVE NË PEDONALE NË SHKODËR

Dëmtimi i shtyllave nga persona të papërgjegjshëm vijon të jetë një problematikë serioze në Bashkinë …