Monday , 21 January 2019

PUNA PER PASTRIMIN E TERRITORIT NGA RESHJET E DEBORES

Administrata e Bashkisë së Shkodrës dhe e ndërmarrjeve të varësisë, vazhdojnë pa ndërprerje punën për pastrimin e dëborës nga rrugët dhe trotuaret e qytetit.

Në një vëzhgim në rrugët kryesore të qytetit, konstatohet se ata janë plotësisht në funksionim për mjetet motorike dhe këmbësoret.

Ditën e sotme, sipas planit të veprimit, është parashikuar:

  • Pastrimi i oborreve të spitaleve ku është angazhuar një fadromë për largimin e dëborës.
  • Pastrimi i Tregut të Zdrales dhe sheshit.
  • Pastrimi i hyrjes, shesheve dhe rrugëve në shkollat e qytetit si “Oso Kuka”, “Xheladin Fishta”, “Ndre Mjeda”
  • Është pastruar sërish rruga e Policisë, e cila ka një densitet shumë të lartë lëvizjeje.
  • Paralelisht, me fadroma dhe forca punëtore po pastrohet në aksin rruga “Lodovik Saraçi”- Truma e Dugajëve të Reja, rruga nga Katedralja në drejtim të Dugajëve të Reja.
  • Ndërkohë, në vijimësi do të ndërhyhet në Tophanë, Kiras, Zooteknike, hyrja e ish- Divizionit, rruga e Koplikëve, rruga “Justin Godart, Kryqëzimi i ish- Degës drejt Shkollës Pyjore, rruga nga Katedralja- Dugajët e Reja- sheshi “Nënë Tereza”- Bashkia Shkodër.
  • Gjatë orëve të fundit, qytetarë të ndryshëm apo familje janë ndihmuar për raste të sëmurësh apo funeralesh. Duke parë situatën, kryetarja e Bashkisë së Shkodrës Voltana Ademi ka kërkuar që edhe në fundjavë, e gjithë administrata dhe ndërmarrjet e varësisë të vazhdojnë punën duke qenë në gatishmëri të plotë.

Lexoni dhe kete

KREU I HIPOTEKAVE TAKIM ME NOTERET NE SHKODER

Zyra vendore e pasurive te paluajtshme Shkoder dhe dhoma e notereve kane kërkuar nje takim …