Sunday , 17 December 2017
Breaking News
Erkand Qerimaj of Albania competes in the men's 77 kg group B weightlifting event during the 2008 Beijing Olympic Games on August 13, 2008. AFP PHOTO/JUNG YEON-JE (Photo credit should read JUNG YEON-JE/AFP/Getty Images)

QERIMAJ I 6-ti NË BOTË, BEGAJ AR E ARGJEND PËR SHQIPËRINË

Peshëngritësi shkodran Erkand Qerimaj nuk ia ka dalë të marrë medalje në Kampionatin Botëror që po zhvillohet në Shtetet e Bashkuara të Amerikës ndonëse i është ofruar shumë pranë asaj të bronzit në stilin e shkëputjes. Ai e ka mbyllur në vendin e gjashtë në dygarësh duke mos arritur të hyjë në zonën e medaljeve, ashtu sikurse pat shpresuar. Sportisti shkodran vetëm në stilin e  shkëputjes rivalizoi për medalje, ku u rendit i katërti me 155 kilogramë të ngritura që në provën e parë sepse në dy të tjerat dështoi. Sakaq kur pritej që në stilin e shtytjes të përmirësonte renditjen e tij, nuk ndodhi kështu.

Qerimaj arriti të ngrejë shtangën vetëm në provën e parë me 187 kilogramë ndërsa në dy të tjerat kur vendosi 191 kilogramë, nuk arriti ta ngrejë dhe kësisoj e mbyllin në vendin e nëntë në këtë stil. Me 342 kilogramë në dygarësh, Erkandi zuri vendin e gjashtë në Botë. Sigurisht një rezultat që ai nuk e priste sepse kishte shpresuar dhe besuar për më tepër nisur nga stërvitja e bërë por nganjëherë gjërat nuk shkojnë ashtu siç i mendon. Vetë ai në një prononcim të dhënë pas garës, ka fajësuar fatin por edhe mungesën e një fizioterapisti në rradhët e ekipit tonë kombëtar, çka ka bërë që ai të hyjë në garë i kontraktuar.

Por Shqipëria ndërkohë nuk ka dalë pa medalje nga ky eveniment i rëndësishëm. Ka qenë Romela Begaj ajo që i ka dhuruar kombëtares tonë dy medalje, një të artë në stilin e shkëputjes dhe në dygarësh ka arritur të renditet e dyta dhe të marrë medaljen e argjentë.

Lexoni dhe kete

BASKETBOLL, VLLAZNIA MUNDET EDHE NË KAMËZ

Pavarësisht deklaratave të trajnerit Gjeçaj se Vllaznia do të kishte objektiv fitoren e dy ndeshjeve …

Abonohu per lajmet e fundit
Thanks for signing up. You must confirm your email address before we can send you. Please check your email and follow the instructions.
Abonohu sot per lajmet me te fundit !
×
×
WordPress Popup Plugin