RAPORTI I KMC NË QARKUN SHKODËR

Komisioni i Mbrojtjes Civile raporton për situatën më të fundit në Qarkun Shkodër. Nga Njësia Vendore e Kujdesit Shëndetësor bëhet e ditur se ka rënë ndjeshëm numri i atyre që kanë hyrë në pikën e Hanit të Hotit, ndërkohë që personeli i epidemiologjisë dhe kujdesit shëndetësor vazhdojnë punën për gjurmimin dhe vlerësimin e rasteve të dyshuara, me qëllim zbardhjen e të gjitha kontakteve që nga burimi, për të gjithë pacientet e dyshuar apo që kanë dalë pozitiv.

Nga ana tjetër, vijon puna për shpërndarjen e pensioneve pranë shtëpive për pensionistët mbi moshën 65-vjec. Të gjitha Qendrat Shëndetësore kanë numër të kontaktit, nëpërmjet të cilit kontaktohen mjekët e familjes.

Gjatë kësaj të mërkurë, janë marrë 10 mostra në spitalin e Shkodrës, të cilët kanë kontaktuar me pacientin e Pukës, që doli pozitiv dhe janë dërguar në ISHP, ndërsa është kthyer përgjigje negative për 12 raste të dërguar një ditë më herët.

Nga strukturat e DVP, janë marrë masat në bashkëpunim me strukturat e tjera për zbatimin e akteve normative dhe urdhërave përkatës, teksa janë kontaktuar 20 persona për vetkarantinim, ndërsa ka vijuar puna për mbylljen e aktiviteteve. Nga bashkitë ka vijuar puna për dezinfektimin e institucioneve shtetërore dhe ofrimin e ndihmave të familjeve në nevojë për të cilën, janë afishuar edhe numrat për publikun për të zgjidhur në kohë sa më të shpejtë problematikat që kanë.

Lexoni dhe kete

NDALIMI I LËVIZJEVE, 25 DREJTUES MJETESH SHKELIN URDHËRIN

Gjatë 24 orëve të fundit, në të gjithë vendin, janë evidentuar 25 drejtues mjetesh që …