REAGON KRYETARI I PD LULZIM BASHA PAS AKSIONI TË POLICISË NE “RUS”

Në lidhje me incidentin e një ditë më parë ndërmjet policisë dhe fshatërëve të cilët po tregtonin duhanin në lagjen Rus ka reaguar dhe kryetari I Partisë Demokratike Lulzim Basha. Basha nëpërmjet profilit të tij në facebook shprehet :“ Pasi i mashtroi fermerët se do tu rrisnin cmimin e duhanit, Edi Rama i ndërseu sot taksidarët e tij të krimbur në rryshfete, ndaj fshtarëve që shisnin aq sa për të mbajtur frymën gjallë”.

Me tej Basha vijon :” Zuzarët e Ramës iu versulën fshatarëve të drobitur jo për të mbushur arkën e shtetit por për të mbrojtur interesat e klienteve të tyre kontrabandistë. Sepse me urdhër e dijeni të Edi Ramës po këta taksidarë mbyllin sytë para kontrabandës së cigareve që ju ka kushtuar shqiptarëve plot 50 milion dollarë të ardhura nga akciza e cigareve që i mungojnë buxhetit të shtetit vetëm në periudhën janar – qershor. Vidh buxhetin, bjeru njerëzve. Ky është regjimi kriminal e i korruptuar i Edi Ramës e Ilir Metës”.