Breaking News

RUBIN HEBAJ SHËNON TJETËR GOL NË SLLOVENI

Rikthehet sërish tek goli sulmuesi shkodran Rubin Hebaj. Ai ka shënuar në ndeshjen e rradhës të kampionatit slloven të futbollit, atë në mes Aluminij dhe ekipit të tij Domzhale. Madje goli i shënuar nga ky 19 vjeçar ka qenë shumë përcaktues sepse I ka dhënë fitoren ekipit të tij. Hebaj është hedhur në fushë nga trajneri në minutën e 62-të të ndeshjes dhe 15 minuta më vonë ai ia ka shpërblyer këtë besim duke dërguar topin në rrjetë.

Padyshim që ky gol I ka dhënë atij kënaqësinë e duhur dhe po ashtu, edhe të gjithë skuadrës së Domzhales e cila edhe sivjet duke u renditur e treta në kampionat, ka siguruar sërish pjesmarrjen në Europa Ligë.Ish- sulmuesi I Vllaznisë ka kaluar në fillim të këtij sezoni nga kjo skuadër tek Domzhale por duhet thënë se nuk ka gjetur hapësirat e duhura për t’u aktivizuar. Megjithatë sa herë që I është dhënë mundësia, ka bërë mirë. Me golin e djeshëm e ka çuar numrin e tyre në ndeshjet e kampionatit dhe po t’I shtosh edhe një gol të shënuar në kupë, numri I tyre shkon në pesë. Padyshim që është një shifër e pëlqyeshme.

Goli I djeshëm I Hebajt vjen edhe pas ftesës së marrë nga kombëtarja U-21 e Shqipërisë për grumbullimin e saj të rradhës. Kohët e fundit, ai nuk ka qenë ftuar si rrjedhojë edhe e një dëmtimi që ka patur ndërsa tashmë do të jetë përsëri në dispozicion të trajnerit Alban Bushi. Vlerat e këtij lojtari I njohin të gjithë dhe padyshim që do të jetë një pikë e fortë dhe për më tepër që kemi të bëjme me një futbollist vetëm 19 vjeçar.

 

Lexoni dhe kete

TRAJNERI ERNEST GJOKA JEP DOREHEQJEN NGA VLLAZNIA

Humbja në kryeqytet thellon krizën tek shkodranët. Pas afrimit me Kategorinë e Parë, kuqeblutë tashmë …