Saturday , 25 November 2017

SHQIPËRIA “BEFASON” TURQINË. FITON 3-2 BRENDA NË ANTALYA

Kombëtarja shqiptare ka fituar një tjetër miqësore luksi ndaj Turqisë dhe sërish në transfertë, duke u konfirmuar “mace e zezë” sa u përket sfidave miqësore. Ishte fitorja e tretë në të tilla teste dhe të trija në Turqi. Shqipëria kësaj here ka fituar 3-2 në Antalia, duke treguar grintë, dëshirë dhe ego, ku spikatën Sadiku dhe Grezda me golat e tyre, por edhe Roshi me asistet. Kombëtarja shqiptare ka bërë një pjesë të parë shumë të mirë, duke fituar 2-0 me dy golat e Armando Sadikut. Shqipëria ka shënuar golin e parë në minutën e 24-t. Odise Roshi depërton mjaft mirë në krahun e  djathtë, hyn brenda zonës dhe pason për Sadikun, i cili e ka të thjeshtë për ta dërguar në rrjetë. Pak a shumë identik edhe goli i dytë në minutën e 39-të.

Odise Roshi merr mirë krahun e djathtë, kroson dhe është sërish Armando Sadiku që realizon, veçse kësaj here me kokë, edhe pse portieri arriti ta prekë. Me këto dy gola, Sadiku ngjitet në kuotën e 11 golave me fanellën kuqezi, duke barazuar Hamdi Salihin dhe kaluar Igli Taren dhe Sokol Kushtën, që kanë nga 10. Por në fundin e pjesës së parë, Memushaj ka marrë kartonin e dytë të verdhë dhe ka lënë Shqipërinë me 10 vetë. Me të filluar pjesa e dytë Turqia ka shënuar golin e parë, duke ngushtuar diferencën në 1-2. Por Eros Grezda ka shënuar një gol shumë të bukur në minutën e 56-të, duke shtangur spektatorët në Antalia. Duhet thënë se turqit kanë sulmuar më shumë në pjesën e dytë, por Berisha ka pritur në dy raste, ndërsa në rastin e golit nuk kishte mundësi ta evitonte.

Megjithatë, Akbaba për vendasit ka ngushtuar sërish rezultatin, duke shtuar entuziazmin në stadium në minutën e 61-të. Por vetëm kaq, mbyllet 2-3. Një fitore që vlen edhe në aspektin moral për kuqezinjtë tanë dhe për më tepër, konfirmohet fakti se Shqipëria edhe nën drejtimin e Panuçit do të vazhdojë serinë e rezultateve pozitive dhe vazhdimit të ëndërrës së madhe për një tjetër kualifikim në një eveniment të madh sportiv siç është Europiani i ardhshëm.

Lexoni dhe kete

LIKA: ME LUSHNJEN BËMË DETYRËN, DUHET E NJËJTA GJË ME LUFTËTARIN

Fitorja ndaj Lushnjes i ka shërbyer Vllaznisë për të rikthyer qetësinë në aspektin psikologjik megjithatë …

Abonohu per lajmet e fundit
Thanks for signing up. You must confirm your email address before we can send you. Please check your email and follow the instructions.
Abonohu sot per lajmet me te fundit !
×
×
WordPress Popup Plugin