Tuesday , 29 September 2020

SITUATA E TËRMETIT, NDRYSHIME NË QEVERI DHE PRESIDENCË

Situata e krijuar pas tërmetit të 26 nëntorit e ka detyruar kryeministrin Edi Rama që ta shtojë kabinetin e tij me një ministri të re. Kreu i qeverisë ka propozuar Arben Ahmetajn si ministër shteti për rindërtim. Propozimin ia ka dërguar për emërim, kreut të shtetit Ilir Meta.

“Programi i rindërtimit dikton hapjen e një vendi të posaçëm edhe në tryezën e këshillit të ministrave, ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program, të ndjekë orë e minutë zbatimin e programit”, shkruan kryeministri Rama në Tëitter, duke publikuar edhe propozimin.

Ndërkohë, pas një ministri të ri në kabinetin “Rama 2”, tërmeti sjell ndryshime edhe në Presidencë. Zëdhënësi i Presidentit të Republikës bën me dije se Kreu i Shtetit ka emëruar z. Shemsi Prençi Këshilltar të Posaçëm për Emergjencat Civile.

Lexoni dhe kete

NË MJERIM 10 MUAJ PAS TËRMETIT

Fran dhe Bardhe Krosi nga fshati Bushnesh, një zonë që ndan Kurbinin me Krujën, janë …