SULM ME BOMBE NE AMBASADEN AMERIKANE NE PODGORICE

Ambasada e Shteteve të Bashkuara të Amerikës në Podgoricë është sulmuar me bombë nga një person ende i panjohur, natën mes të mërkurës e të enjtes, pak pas mesnatës. Askush nga personali i ambasadës nuk është lënduar dhe as ndërtesa nuk është dëmtuar. Sulmuesi, tash për tash i panjohur, pasi e ka hedhur bombën në oborrin e ambasadës, është vetëvrarë duke e aktivizuar një mjet tjetër shpërthyes, mu para ndërtesës së ambasadës. Nga ana tjetër dyshohet se shtetasi I cili pasi ka hedhur bombën në ambasaden e SHBA në Podgoricë ka kryer edhe vetëverasje me mjetin shpërthyes.

Nga hetimet paraprake mësohet se dyshohet se kemi të bëjmë me shtetasin Dalibor Jaukoviq, I cili është dekoruar nga Sllobodan Millosheviq si ushtar I Armatës Jugasllave për kryerjen e detyrava të larta ndaj atdheut. “Gjysmë ore pas mesnate, përpara ndërtesës së Ambasadës së SHBA-së, një person ka bërë vetëvrasje me një mjet shpërthyes. Para se të vetëvritej, nga udhëkryqi te Qebdra Sportive, ai e ka hedhur një mjet shpërthyes në oborrin e ambasadës. Sipas të gjitha gjasave, bëhet fjalë për një bombë dore” ka qenë deklarata e qeverisë malazeze.

Zëdhënësi i Ambasadës amerikane, Jeff Adler, ka konfirmuar sulmin në ambasadë dhe ka bërë të ditur se zyrtarët e ambasadës po punojnë bashkë me policinë malazeze në identifikimi e sulmuesit. “Ambasada po zhvillon procerurat interne për forcimin e sigurisë për personalin e vet”, ka thënë Adler. Nënsekretari i Departamentit të Shtetit, Steven Goldstein, ka treguar se dëshmitarët e kanë parë sulmuesin duke hedhur një mjet mbi murin e ambasadës. Goldstein ka thënë se zyrtarët e sigurisë së ambasadës kanë hulumtuar terrenin përrreth dhe kun kanë gjetur ndonjë mjet tjetër shpërthyes. Ai ka thënë se nuk dihen motivet e sulmit dhe as nëse bëhet fjalë për vetëvrasje të qëllimshme ose të paqëllimshme të autorit. Ambasada, përmes faqes së saj në internet, i ka këshilluar qytetarët amerikanë që të shmangin vizitat në ambasadë deri në një njotim të ri.

Lexoni dhe kete

LEZHE, ARRESTOHEN DY PERSONA TE SHPALLUR NE KERKIM

Në vijim të punës për kapjen e përsonave në kërkim dhe vendosjen e tyre para …