TEUTA- VLLAZNIA DO GJYKOHET NGA ARBITRA SHQIPTARË

Çështja e arbitrave të huaj në sfidën Teuta- Vllaznia ka marrë fund dhe tashmë nuk bëhet më fjalë për ardhjen e tyre. Klubi shkodran pas kërkesës paraprake që kishte bërë për sjelljen e tyre, ka vendosur të heqë dorë. Padyshim që është një ndeshje e rëndësishme por jo vendimtare sepse janë edhe shtatë javë të tjera kampionat deri në fund të tij. Kësisoj duket e sigurtë që ndeshja e së dielës në Durrës do të gjykohet nga arbitra shqiptarë.

Me shumë siguri, do të jetë njëri nga ato të tre që mbajnë stemën e FIFA-s por siç dihet, Hamiti është shpallur “non grata” nga shkodranët pas ndeshjes së para tre javëve në Kukës. Në bazë të kësaj logjike, i bie që sfidën Teuta- Vllaznia ta drejtojë Enea Jorgji ose Juxhin Xhaja. Ndërkohë në kampin shkodran tashmë vëmendja është përqendruar tek përgatitjet për këtë ndeshje. Shqetësimi i vetëm për stafin teknik është gjendja e mbrojtësit Renato Malota. Trajneri Gjoka kishte shpresuar shumë që lezhjani të ishte i gatshëm për këtë sfidë shumë delikate por ai nuk ia ka dalë të kapë ritmin e duhur sepse mungesa dyjavore në stërvitje ka ndikuar në formën e tij. Në këtë mënyrë, tashmë stafit teknik i duhet të bëjë planet pa të.

Vllaznia do të luajë edhe në këtë ndeshje me dyshen Orelesi- Berisha në qendër të mbrojtjes. Gjithsesi Malota, do të jetë në 18-she për këtë takim dhe në rast nevojë, nuk përjashtohet mundësia që ai të luajë disa minuta në fund. Pavarësisht kësaj mungese, ekipi shkodran e ka të qartë objektivin për të mos dalë pa pikë nga kjo ndeshje.

Lexoni dhe kete

SINDRIT GURI SHËNON SËRISH NË BELGJIKË

Për sulmuesin shkodran Sindrit Guri gjërat vazhdojnë në mënyrën më të mirë të mundshme me …