“VLLAZNIA B” HUMBET 0-1 NDAJ TËRBUNIT, KRAJA AKUZA ARBITRIT

“Vllaznia B” ka pësuar një tjetër humbje në shtëpi, këtë herë ndaj Tërbunit të Pukës me rezultatin 0-1. Me këtë humbje, kuqeblutë tashmë e shohin veten larg objektivit të tyre për të qenë në mes pesë ekipeve më të mira të kampionatit. Fatin e kësaj ndeshje e ka vendosur një gol i Mezinit në minutën e 10-të të ndeshjes. Më pas, me gjithë përpjekjet e të dy ekipeve, nuk ka patur gol tjetër. Në fund të 90 minutave, trajneri i ekipit shkodran Ervis Kraja në prononcimin e tij për mediat, ka akuzuar rëndë arbitrin e ndeshjes i cili sipas tij ka qenë tendencioz dhe i njëanshëm.

Ndërkohë, trajneri i Tërbunit- Kreshnik Krepi, ka deklaruar se skuadra e tij e meritoi fitoren për nga mënyra si e administroi lojën gjatë gjithë ndeshjes.

Me këtë humbje, “Vllaznia B” tashmë thuajse kanë marrë fund shpresat e saj për të qenë në mes pesë ekipeve më të mira të kampionatit.

Lexoni dhe kete

VLLAZNIA FEMRA NIS PËRGATITJET PËR “CHAMPIONS LEAGUE”

Pasi ka mësuar emrat e ekipeve kundërshtare, Vllaznia në futboll për femra ka nisur përgatitjet …