Sunday , 29 November 2020

“VLLAZNIA B” DO TË NISË STËRVITJEN PARADITEN E SË PREMTES

Paraditen e së premtes do të nisë stërvitjen edhe Vllaznia B. Ekipi i dytë i klubit shkodran siç dihet do të marrë pjesë në kategorinë e parë të futbollit shqiptar në sezonin e ri. Trajner i këtij ekipi do të jetë sërish Ervis Kraja. Ky i fundit në një intervistë për televizionin Rozafa ka bërë të ditur se baza e ekipit do të jetë kontigjenti i sezonit të kaluar ndërkohë që atij do t’i shtohen edhe disa elementë të ardhur nga ekipi U-19.

I pyetur ndërkohë në lidhje me objektivat që do të ketë ky ekip, trajneri Kraja ka thënë se Vllaznia B do të pretendojë të jetë në mes ekipeve më të mira të këtij kampionati.

Kampionati i kategorisë së parë pritet të nisë një javë pas atij të Superligës, çka do të thotë rreth datës 16 shtator dhe natyrisht që Vllaznia B mendohet të prezantohet denjësisht edhe në këtë kategori.

Lexoni dhe kete

VLLAZNIA U-19 MUND 0 – 8 DINAMON, E PARA NË RENDITJE

Tjetër fitore në kampionat për Vllaznia U19 që vijon të kryesojë e vetme renditjen e …