Saturday , 20 April 2019

VLLAZNIA PREZANTON TRAJNERIN E RI, ËSHTË AGIM CANAJ

Agim Canaj është trajneri i ri i Vllaznisë. Trajneri i njohur vlonjat është emëruar mbrëmjen e së hënës në këtë post duke zëvendësuar Hasan Likën që dha dorëheqjen para një jave. Vetë Canaj nuk ka humbur kohë dhe paraditen e së martës ka nisur punën me ekipin. Para fillimit të stërvitjes, ka qenë administratori i klubit Suad Lici që e ka prezantuar para ekipit, duke kërkuar seriozitet maksimal nga të gjithë futbollistët për t’i bërë mbylljen e duhur këtij sezoni. Ndërkohë, trajneri Canaj në prononcimin e tij të parë për mediat, në këtë ardhje të tretë në krye të Vllaznisë, është shprehur i lumtur për këtë gjë duke thënë se kësaj skuadre asnjëherë nuk mund t’i thuash “jo”.

Epoka “Canaj” në krye të kuqebluve tashmë ka nisur dhe prova e parë e tij do të jetë ajo që do të luajë ditën e dielë ndaj Besëlidhjes, ku padyshim që do të tentojë fitoren, për të ruajtur diferencën me ekipet ndjekëse të Vllaznisë në renditje.

Lexoni dhe kete

“ATLETIK KLUB” E “JUBAN DANJA” NISEN DREJT ROVERETTOS

5 ekipe moshash të “Atletik Klub Shkodra” dhe ai i femrave të “Juban Danja” janë …