Tuesday , 19 November 2019

ZGJEDHJET NË KOSOVË, REAGON BASHA

Kreu i Partisë Demokratike, Lulzim Basha, thotë se Kosova hapi një faqe të re në rrugëtimin e saj si shtet demokratik me zgjedhjet parlamentare të 6 tetorit. Në një postim në facebook, Basha shprehet se populli i Kosovës votoi për ndryshim duke mandatuar opozitën për të udhëhequr në rrugën e transformimit ekonomik dhe integrimit euro-atlantik.

“Kosova hapi një faqe të re në rrugëtimin e saj si shtet demokratik. Populli i Kosovës votoi për ndryshim duke mandatuar opozitën për të udhëhequr në rrugën e transformimit ekonomik dhe integrimit euro-atlantik. Urimet më të përzemërta LVV dhe LDK, Albin Kurtit dhe Vjosa Osmanit për fitoren. Përgëzime udhëheqësve të forcave të tjera politike garuese në këto zgjedhje që me qëndrimet e tyre europiane japin garanci për ecjen përpara të Kosovës.
Dje populli i Kosovës dha një shembull frymëzues me pjesmarrjen civile dhe masive në zgjedhje, Policia e Kosovës tregoi profesionalizëm të lartë në ndalimin e menjëhershëm të atyre që cënuan sekretin e votës së lirë duke e fotografuar atë. Kosova i dëshmoi botës se është një demokraci funksionuese dhe se meriton sa më parë vendin dhe rolin e saj në të gjitha institucionet dhe proceset ndëkombëtare. Urime Kosovë!” – shkruan Basha.

Lexoni dhe kete

KARTA E STUDENTIT, REAGON ZV/REKTORI I SHKODRES

Zëvëndës rektori i Universitetit “Luigj Gurakuqi” të Shkodrës Gëzim Dibra ka dale në një konferencë …