BAJRAM BEGAJ PËR PRESIDENT I RI I SHQIPËRISË

Shefi i Shtabit të Përgjithshëm të Forcave të Armatosura të Shqipërisë, gjeneralmajor Bajram Begaj, është kandidati që do të propozohet për t’u zgjedhur presidenti i ri i Shqipërisë nga Partia Socialiste. Një gjë e tillë u bë e ditur nga kryeministri Edi Rama.

Teksa zhvilloi këtë të shtunë një mbledhje me Grupin Parlamentar të PS, Rama tha se në fund ishin 6 kandidatura që morën më shumë kohë për të përzgjedhur njërin, ndërsa theksoi se grupi do të votojë në unanimitet të plotë dhe nuk ka nevojë për diskutim.

Votimi për presidentin e ri pritet të bëhet në seancën parlamentare të kësaj të shtunë.