TV Rozafa
Banorët e njësisë Postribë në Bashkinë Shkodër e kanë zhvendosur protestën e tyre për ujin e pijshëm para drejtorisë së ujësjellës-kanalizime Shkodër.
Me pankarta në duar, ato kërkonin një zgjidhje nga ky institucion. Një përfaqësi e tyre, bashkë me administratorin Altin Shabaj, zhvilluan një takim me drejtorin e ujësjellës kanalizime Shkodër, Mark Molla.
Në përfundim të takimit, Shabaj premtoi se nuk do të ketë asnjë punim afër burimit të ujit, ndërsa banorët thanë se nëse nuk do e mbajnë premtimin për ta zgjidhur këtë problematikë do të dërgojnë këtë çështje deri në Strasburg, ndërkohë që hodhën edhe akuza ndaj drejtorit Molla.
Banorët e Postribës duket se nuk do të ndalen në kërkesen e tyre deri në zgjidhjen e kësaj problematike.