EKSPOZITA “MOZAIK 21” NË GALERINË E ARTEVE SHKODËR

Një ekspozitë e veçantë e mjeshtrisë së mozaikut nga Myftar Cubi u prezantua në ambjentet e Galerisë së Arteve Shkodër.

Ekspozita e “Mozaik 21” erdhi si një gjini e veçantë, por edhe si një dëshirë e kahershme e vetë autorit për të ekspozuar në Shkodër, duke e parë veten si pjesë të një trualli me veçanti kulturore të spikatura.

Autori Cubi realizon disa cikle si: cikli i Eposit të Kreshnikëve, cikli sakral, cikli i erotikës dhe portretit të figurave të ndryshme me rëndësi ndërkombëtare që kanë ndikuar ne fatin historik të kombit shqiptar.