TV Rozafa
Paraditën e kësaj të premte i është dhënë lamtumira e fundit shkrimtarit dhe dramaturgut të shquar shqiptar, Fadil Kraja, i cili u nda nga jeta në moshën 91-vjeçare.
Në homazhet e mbajtura në teatrin “Migjeni” të qytetit të Shkodrës ishin të pranishëm familjarë dhe miq të Krajës, por edhe artistë të njohur.
Ato e konsiderojnë një ditë të trishtë për qytetin e Shkodrës, pasi Fadil Kraja ishte një artist me përmasa kombëtare dhe kjo është një humbje e pazëvendësueshme.
Kontributi i Fadil Krajës është i çmuar, teksa ka shkruar mbi 50 drama dhe komedi të suksesshme te shfaqura në të gjithë teatrot profesioniste të Shqipërisë, si dhe në Kosovë, Mal i Zi, Maqedoni dhe në diasporë.
Nga ana tjetër, Presidenti i Republikës, Ilir Meta, e ka dekoruar shkrimtarin dhe dramaturgun Fadil Kraja me “Urdhërin e Kalorësit të Flamurit.”