Thursday , 23 February 2023

I HAPET RRUGE EKSTRADIMIT PER ISH-DREJTORIN E UJESJELLESIT KURBIN

Ish-drejtori i Ujësjellës-Kanalizime në Kurbin, Alfred Prodani, i arrestuar në fillim të muajit maj për vjedhje në Spanjë, do të ekstradohet drejt këtij shteti për tu përballur me drejtësinë.

Pas përfundimit të afatit të paraburgimi 40-ditor, Gjykata e Kurbinit ndryshoi masen e sigurisë për 41-vjeçarin, duke e lënë në burg pa afat, ndërsa vijojnë proçedurat për ekstradimin drejt shtetit Spanjoll.

Menjëherë pas arrestimit, autoritetet Spanjolle sollen dosjen hetimore dhe provat që e implikojnë Prodanin në disa episode vjedhjes, duke detyruar togat e zeza në Kurbin qe ta mbajne ne burg Prodanin me qëllim ekstradimi.

Ish-drejtori i Ujësjellës-Kanalizime në Kurbin, Alfred Prodani, u arrestua nga policia me 7-maj pasi ishte shpallur në kërkim ndërkombëtar për vjedhje në Spanjë.

Operacioni policor i koduar “Coruna” u finalizua nga forcat policore të Komisariatit të Policisë Kurbin, në bashkëpunim me INTERPOL Tirana.
41-vjeçari banues në Kurbin, u prangos pa bërë rezistence në qytetin e Laçit, ndërsa ndalimi i tij u bë me qëllim ekstradimi drejt Spanjës.

Ai ishte shpallur në kërkim, pasi Gjykata Coruna/Spanjë, në vitin 2013, ka lëshuar urdhër arresti ndërkombëtar, për veprën penale “Vjedhja me dhunë”, parashikuar nga Kodi Penal i Spanjës”.

Prej 9-vitesh Alfred Prodani mbante postin e Drejtorit të Ujësjellës-Kanalizime në Kurbin, si përfaqësues i Partisë Socialiste.

Lexoni dhe kete

VIJON OPERACIONI POLICOR “FIJET”

Policia e Shtetit vijon me fazën e dytë të planit operacional policor të koduar “Fijet”. …