MANASTIRLIU NË QENDRËN SHËNDETËSORE VERORE NË SHËNGJIN

Nga data 15 Qershor më shumë se 11 mijë pushues kanë marrë shërbim në 29 qendrat shëndetësore verore, me shërbim shëndetësor 24/7 për pushuesit në zonat turistike.

Ministrja e Shëndetësisë dhe Mbrojtjes Sociale Ogerta Manastirliu ka parë nga afër organizmin e qendrës shëndetësore verore Shëngjin, një ndër zonat më të populluara me pushues.

Janë 29 qendra shëndetësore verore 24-orëshe të hapura në të gjithë vendin, nga veriu në jug, nga zonat turistike malore në bregdet përgjatë sezonit turistik veror gjatë periudhës 15 qershor–15 shtator.