TV Rozafa
Katër persona mbeten të plagosur, pas përplasjes së dy motorçikletave në aksin rrugor Lezhë-Shkodër.
Aksidenti ndodhi mëngjesin e së mërkures pranë kryqëzimit të Gjadrit, ndërsa të plagosur mbeten 2 turiste të huaj dhe 2 përsona nga fshati Gjader i Lezhës.
Ata u dërguan me urgjence për ndihmë mjekësore në spitalin rajonal të Lezhës, nga ku mësohet se ndodhen nën kujdesin e bluzave të bardha jashtë rrezikut për jeten.
Policia e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti i cili është i 4 që ndodh në harkun kohor të 3 diteve në rruget e Qarkut të Lezhës, me një bilanc 7 persona të plagosur.