TV Rozafa
Autori i plagosjes së 51-vjeçarit Martin Prenga mbrëmjen e së premtes në zonën e Fanit në Mirditë do të qëndrojë në burg. Florian Gjoka u njoh me masen e sigurisë ne Gjykatën e Lezhës.
Në seancën gjyqësore të zhvilluar me dyer te mbyllura, pasi dëgjoi palët, gjyqtari Artan Hajredinaj e cilësoi te ligjshëm arrestimin e 21-vjeçarit dhe vendosi ndaj tij masen e sigurisë “Arrest në burg” pa afat për veprat penale “Vrasja me paramendim” e mbetur në tentativë dhe “Prodhimi dhe mbajtja pa leje e armëve luftarake dhe municionit”.
Florian Gjoka qëlloi 5 herë me armë zjarri pistoletë bashkëfshatarin e tij Martin Prenga, duke e lënë të plagosur në këmbë. Ngjarja ndodhi rreth orës 22:00 të mbrëmjes të së premtës në një pikë karburanti në autostradën Milot-Kukes, pranë zonës së Fanit në Mirditë.
Menjëherë pas ngjarjes, policia arriti të identifikojë autorin, duke e vënë në pranga disa orë më vonë, ndërsa u proçedua penalisht dhe vëllai i tij binjak Altin Gjoka, i cili e kishte ndihmuar te largohet dhe të fshihet.
Nga veprimet hetimore rezulton se ngjarja ka ndodhur pas konflikteve te hershme që kishin patur dy bashkefshataret, për motive ende të paqarta.