TV Rozafa
Ndeshja ndaj Krajovës konsiderohet shumë e rëndësishme jo vetëm në aspektin sportiv, por edhe atë të organizimit. Nisur edhe nga historia jo shumë pozitive e vitit të kaluar, apo dhe ajo e skuadrave të tjera shqiptare pjesmarrëse në Kupat e Europës, këtë herë në Shkodër janë duke i marrë të gjitha masat që në ndeshje të mos ketë asnjë incident.
Prej disa ditësh është ngritur edhe grupi i punës për këtë qëllim, ndërkohë përsonat përgjegjës për sigurinë në klubin Vllaznia dhe në Drejtorinë e Policisë Shkodër kanë dalë në një konferencë për shtyp ku kanë shpjeguar edhe disa nga masat që do merren për mbarëvajtjen e kësaj ndeshje…
Kur kanë mbetur edhe dy ditë nga ndeshja, interesimi duket i madh për ndeshjen dhe të gjithë tashmë presin që mbrëmjen e të enjtes të ketë spektakël në shkallët e stadiumit “Loro Boriçi”, duke shpresuar deri në fund edhe për një rezultat pozitiv për Vllazninë.