TV Rozafa
Presidenti i Republikës Bujar Nishani priti sot në një takim Ministren e Mbrojtjes së Italisë Roberta Pinotti.
Në këtë takim, kreu i shtetit shqiptar e konsideroi të shkëlqyer nivelin e marrëdhënieve mes dy vendeve ndërsa vlerësoi ndihmën që Italia i ka dhënë vendit tonë në fushën e mbrojtjes.
Biseda u ndal edhe në misionet ushtarake të përbashkëta në kuadër të vendimeve të marra nga aleanca e NATO-s.
Presidenti Nishani dhe Ministrja italiane Pinotti diskutuan edhe situatën e shkaktuar nga kriza në Ukrainë dhe luftën ndaj terrorizmit.