Tuesday , 16 August 2022

VLLAZNIA PËRGATITET NË DURRËS PËR TEUTËN

E diktuar nga kushtet e vështira të stërvitjes në Shkodër, Vllaznia ka zgjedhur t’i zhvillojë në Durrës përgatitjet e fundit për ndeshjen e rradhës, atë që do të luajë të premten ndaj Teutës. Për këtë arsye, paraditen e së mërkurës, kuqeblutë kanë lënë qytetin e tyre ndërkohë që pasdite kanë zhvilluar seancën e parë në qytetin bregdetar.

Reshjet e shiut që kanë nisur ditët e fundit, e kanë bërë të pamundur zhvillimin e stërvitjes në kushte normale në Shkodër sepse terreni i fushës ku stërviten kuqeblutë është i rënduar dhe përpos kësaj, në këtë qytet nuk ka asnjë fushë tjetër në kushte optimale në këtë periudhë. Si rrjedhojë stafi teknik ka kërkuar nga drejtuesit e klubit t’u krijojnë mundësinë për një stërvitje në kushtet e duhura dhe këta të fundit kanë bërë të mundur sigurimin e një terreni në Durrës.

Aty skuadra do të stërvitet të mërkurën dhe të enjten, duke i dhënë dorën e fundit përgatitjeve për sfidën me Teutën e cila do të luhet të premten në orën 16.45 në “Elbasan Arena”. Atmosfera tek ekipi i Vllaznisë pas fitores me Laçin duket shumë e mirë dhe si rrjedhojë tashmë pritet një tjetër trepikësh edhe ndaj durrsakëve.

Këta të fundit nuk po kalojnë momente të mira kohët e fundit dhe kjo u shoqërua edhe me largimin e trajnerit Edi Martini. Po ashtu, Teuta ka edhe mungesa për sfidën e rradhës dhe të gjithë këto faktorë duhen shfrytëzuar nga ekipi shkodran për të marrë fitoren e rradhës.

Nëse do të ndodhte kjo, padyshim që do të ishte diçka shumë pozitive, edhe sepse javën e ardhshme, ai do të ketë dy ndeshje rradhazi në Shkodër, fillimisht me Partizanin e më pas me Skënderbeun. Shanset e tij për t’iu ofruar edhe më shumë kreut janë të mëdha, por pikësëpari, duhet të fitojë me Teutën.

Lexoni dhe kete

VLLAZNIA, STËRVITJE DISA DITORE NË POGRADEC

Vllaznia do të jetë pushim deri të martën. Trajneri Josa ka vendosur t’i lërë edhe …